| ALEJANDRO ZAERA-POLO
Berlage Institute-ko Dekanoa
Graduatu ondoko programaren
edukien arduraduna
Alejandro Zaera-Polok (Madril, 1963) Madrilgo Arkitekturako
Goi Mailako Eskola Teknikoan ikasi zuen Arkitektura eta Maisutza
titulua lortu zuen Harvard Unibertsitateko Graduate School of
Design-en. 1991 eta 1992 urte bitartean, Rotterdameko Arkitektura
Metropolitarraren Bulegoarekin lan egin zuen eta 1992an hiri
horretan bertan, Farshid Moussavirekin batera, Foreign Office
Architects (FOA) eratu zuen. Ondoren, Rotterdam utzi eta Londresera
joan ziren.
Alejandro Zaera-Polo arkitekturari buruzko argitalpen nagusietako
ohiko kolaboratzailea da, besteren artean El Croquis, Quaderns,
A.D. eta nazioarteko beste zenbait argitalpenetan. Londresko
Architectural Association elkartearen eskolako unitate arduraduna,
Princeton Unibertsitateko, Columbia Unibertsitateko eta Berlage
Institute-ko irakasle gonbidatua eta Arkitekturako Goi Mailako
Eskola Teknikoko alboko irakaslea izan da.
Foreign Office Architects-ek lehenengo saria lortu zuen Yokohamako
portuaren terminalerako nazioarteko lehiaketan (1996). Proiektu
hura eskariz egin zuten lehena izan zen eta argitalpen desberdinetako
erreportajeetan agertu izan da. Ordutik aurrera, oso proiektu anitzetan
parte hartu izan dute, adibidez Groningeneko Blue Moon, Bartzelonako
Auditorium Park, Villajoyosako (Espainia) Komisaldegi Multzoa eta
inguruko lursailena, Amsterdameko Mahler 4 bulegoen multzoa, Paju
City-ko (Korea) Publishing Headquarters edo Londres, Bristol eta
New Yorkeko Belgo jatetxe berriak. |
