VERÓNICA ARCOS

1974an Punta Arenas-en (Txile) jaioa. 2001ean Cum Laude lizentziatu zen Santiagoko Universidad Central-en. 1999 eta 2002 urte bitartean Santiagoko bi unibertsitateko alboko irakasle izan zen. Aldi berean, 2001ean GEren bulegoen zabalkuntza lanak egin zituen Santiagon eta 2002an “Proyecto de Biblioteca para Santiago”-n parte hartu zuen proiektuen kudeatzaile gisa. Bere lana “Air Project”-en jarri da ikusgai (metroaren aireztapen-sistemaren gainean kokatutako hiri-instalazioa) baita Rotterdameko 2003ko “Mobility” bienalean ere. 2003an Milango Stefano Boeri eta Ljubljanako Sadar-Vuga arkitektura estudioetan lan egiten aritu da. Gainera, taldeko erakusketetan jarri izan ditu bere lanak ikusgai, nabarmentzekoak izanik: KW Berlin, Veneziako Bienala, Rotterdameko 2003ko Mobility Bienala eta Koper (Eslovenia). Bere ikerlanaren ildoa arkitekturak hiri egituratzaile gisa duen ahalmenean oinarritzen da: instalazio arkitektonikoa, objektu gisa jarduteaz gain, hiriaren integrazioan funtsezko osagai den aldetik (hildako lekuak, interakzio soziala eta hiriaren interiorizazioa eragitearren).

SANNAH BELZER

1979an Holandan jaioa, Cum Laude lizentziatu zen Design Academy-n, Berlinen Buro Kiefer eta b+m+s-ekin (paisaiaren arkitektura estudioak) bi praktikaldi egin ondoren. 2002an Berlage Institutuan sartu zen eta aldi berean proiektu independenteetan parte hartu zuen, esate baterako “Urban Gallery” (Raoul van Bunschoten-ekin), “Border Devices” (Stefano Boerirekin) eta “Kosta Adriatikoaren 34 km” (Bostjan Vugarekin). Belzerren lana Turin, Milan, Amsterdam eta Rotterdamen egon da ikusgai. Zenbait sari lortu ditu lehiaketa desberdinetan eta argitalpen batzuetan ere agertu izan da, esate baterako Elle, Frame, Detail in Architectuur…

CONSTANZE HIRT

1973an jaio zen Munichen, Alemanian. Arkitekturan lizentziatua Fachhochschule München-en, bere prestakuntza praktikoa Berlinen amaitu zuen. Lizentziatu ondoren Munichen hasi zuen bere jardun profesionala Otto Steidle irakaslearekin eta Laundau+Kindelbacher etxearekin, besteren artean.

2002an Berlage Institutuan hasi zen ikasten DAAD beka baten laguntzarekin, eta zentro horretan informazioaren bitartekari gisa jarduten duten eskuartze arkitektonikoei buruzko azterlan bat garatu zuen, hau da, hiritarren arteko komunikazio prozesu guztiak islatu eta haiekin elkarrekintzan aritzen diren eskuartze arkitektonikoei buruzkoa. Hiri inguruneetan eskuartze horiek oso egitura malguak osatzen dituzte, ia bizidunak, eta hiri bateko espazio publikoan partaidetza eta komunikazioa eragiten duten prozesu-erreflexuen sortzaile izateko asmatuta daude.

Bere lana lehenengo Rotterdam 2003 Arkitektura Bienalean eta Berlin Kunstwerke 2003 “Lurraldeak” erakusketan egon da ikusgai.

OLGA SKABA

1972an Polonian jaioa, Arkitektura eta Diseinua ikasi zuen Stuttgarteko (Alemania) Arte Akademian, eta Londresko UELen. Lizentziatu ondoren Alemaniako estudio desberdinekin aritu da lanean, eta lehiaketetarako diseinuan espezializatu da. 2002. urteaz geroztik, Skaba Rotterdameko (Herbehereak) Berlage Institutuko Graduatu Ondoko Arkitektura Laborategian dihardu.

CLAUDIA STRAHL

1975ean Kemptenen, Alemanian jaioa, 2001ean Arkitekturan lizentziatu zen Wuppertal Unibertsitatean (Alemania). Ikasten ari zen bitartean Brandlhuber+Kniess b&k-en egin zituen praktikak, eta Claus Bury irakaslearen laguntzaile gisa eta Freelance gisa lan egin du Tony Craggen lantegian, eta Kolonia, Dusseldorf eta Wuppertaleko estudio desberdinetan bakarkako proiektuak eginez.

2002. urteaz geroztik, Claudia Strahl Berlage Institutuan ikasten ari da DAAD beka batekin eta aldi berean Rotterdameko “Mobility” Arkitektura Bienalean parte hartu du.

MONICA VILLATE

1976an Bogotan jaioa, 2001eko martxoan Arkitekturan lizentziatua zen Jorge Tadeo Lozano Unibertsitatean. 2002an Berlage Institutuan sartu zen, eta bertan ikerlan bat egiten ari da arkitekturari buruz, egin behar den elementu gisa baino gehiago aurkitu behar den elementua den aldetik, hiriak eta bertako biztanleek sortutako estimulu desberdinak aztertuz (adibidez espazio-denbora eta dagokion atmosfera). Azterlan hori behaketaren eremura egindako hurbilketa bat da, duela gutxira arte arkitekturan garrantzizkotzat jotzen ez zena baina informazio eta estrategia praktiko baliagarri ugari eskaintzen duena.

Mónica Villate zenbait argitalpenetan agertu izan da, esate baterako ‘FiveMinutesCity’-n (Winy Maasekin izandako eskola magistral bati buruzko liburua, 2002) eta A+U Magazine aldizkarian 2003an. Bere lana Rotterdameko Arkitektura Bienalean eta Berlin Kunstwerke “Lurraldeak” erakusketan egon da ikusgai 2003an.