SEBASTIÁN KHOURIAN

Sebastián 1969an jaio zen La Platan, Argentinan. 1994an Hirigintzan lizentziatu zen La Platako Unibertsitate Nazionaleko Arkitektura eta Hirigintza Fakultatean. 1995ean Vienako Unibertsitate Teknikoan ikasi zuen Hezkuntza Nazional Sailaren eta Austriako Hezkuntza Trukerako Zerbitzuaren beka batekin. 1995etik 1997ko martxora bitartean, Enric Miralles eta Peter Cook arkitektoen Ikasle Gonbidatua izan zen Frankfurteko (Alemania) Hochschule fur Bildende Kunste Staedelschule eskolan, baita Amerikako Estatuen Erakundearen Beka Programaren bigarren kandidatua eta Fulbright Batzordearen eta Arteen Fondo Nazionalaren bekaduna ere Diseinu Arkitektoniko Aurreratuaren masterrean ikasteko, New Yorkeko Columbia Unibertsitateko Arkitekturaren Plangintza eta Kontserbazio Fakultatean; eta bertan graduatu zen 1998an, Diseinuaren Bikaintasunari eskainitako Sari Bereziarekin.

1998an, Argentinara itzuli zenean, Torcuato Di Tella Unibertsitatearen Arkitektura Garaikideari buruzko Ikerketa Zentroan (CEAC) hasi zen irakaskuntzan lanean, LabDisDig-eko (Diseinu Digitaleko Laborategia) baterako zuzendari gisa, diseinurako tresna eta teknika digitalen erabilerarekin zerikusia duten jarduerak antolatuz, koordinatuz eta zuzenduz.

1999an, CEACen babesean, El Retiro proiektua garatu zuen Clorindo Testa arkitektoarekin batera, Buenos Airesko San Martín plazarako proposatua, baita Valentín Alsina izeneko Buenos Airesko eremuaren azpiegitura sistemei buruzko ikerketa proiektu bat ere, Meshworks-en ideia teoriko/eragileen katalizatzaile bihurtu zena, 2000. urtera arte baterako zuzendari izandako diseinuaren ikuspegi berritzaile bat izanik.

1999an eta 2000. urtearen tarte batean Diseinu Zentro Metropolitarraren Proiektua lantzen aritu den taldean parte hartu du, Buenos Aires Hiriko Udalaren Industria, Merkataritza eta Lan Sailak babestutako proiektua izanik.

2001. urteaz geroztik irakaslea da Londresko Arkitektura Elkarteko Hirigintza eta Paisaiari buruzko Masterrean. 2002an Eraikinen Diseinuaren Bigarren Saria lortu zuen Londresko Arkitekto Gazteentzako Urteko Sarietan.

Orain Bartzelonan bizi da eta Rotterdameko Berlage Institutuan parte hartzen ari da.

BERNARD CACHÉ

Bernard Caché (1958) Lausanako Eskola Politekniko Federalean, Filosofia Institutuan, Gilles Deleuzeren zuzendaritzapean, eta Ekonomi eta Enpresa Zientzien Goi Mailako Eskolan lizentziatu zen.

Bartzelonako Goi Mailako Arkitektura Eskolako Produkzio Digitaleko Tailerraren sortzailea (Programa Masterra) eta bertako zuzendaria izan da 2000-2001 urteetan. Torontoko Unibertsitateko, Parisko Unibertsitateko eta Frantziako Prentsa Institutuko irakaslea izan da.

2002an Cachék Architecture Office Objectile sortu zuen, ezohiko diseinu eta fabrikaziorako beharrezkoak diren tresnen eta teknologien diseinuan oinarritutako arkitektura digitaleko laborategia. Aurretik Aholkulari Exekutiboa izan zen eta ondoren Teknologia Digitalei buruzko Ikerkuntzarako Zuzendaria Parisko Informazio eta Aurreikuspen Ekonomikorako Bulegoan. Aholkularitza estrategikoan diharduen bulegoa da, enpresa pribatu eta erakunde estatalei zuzendua, horien artean nabarmentzekoak izanik Philips, Canal Plus, France Telecom eta France Television.

Cachék parte hartu izan duen proiektu adierazgarrienen artean hauexek aipa daitezke: Kuala Lumpurreko Pallas House, Schiphol Aireportuaren zabalkuntza lanak Ove Arupekin batera, Parisko Charles Baudelaire Eskolako Ateak eta Philibert De L’Orme Pabilioia.

Bere lana zenbait aldizkaritan argitaratu izan dute, esate baterako L1architecture d1Aujourd1hui, Perspecta, ANY eta De Architect-en. Objectilek duela gutxi Orléanseko FRAC Zentroan, Parisko IFAn eta New Yorkeko Columbia Unibertsitatean erakusketak egin ditu.