Berlage Institute graduatu ondoko nazioarteko laborategi bat da, arkitekturaren, hiri plangintzaren eta paisaiaren diseinuaren inguruan heziketa, ikerketa eta garapena eskaintzen duena. Institutuaren helburua ingurune kritikoa eskaintzea da, espazioaren plangintzarekin zerikusia duten gaiak sakontasunez aztertzea izanik xedea. Aipatutako azterlanaren ardatz nagusia etorkizuneko metropolietarako garrantzizkoak diren gertakari sozialak eta kulturalak dira.

Dekanoa, Alejandro Zaera-Polo, ikerketa programa definitzeaz arduratu da, programa horren helburua arkitekturaren inguruko ezagutzari dagokion aldagai berri bat sortzea eta lehenaldiaren ondare arkitektonikoan nahiz Europako kultura arkitektoniko garaikidean eraldaketa lortzea. Institutua lekuan bertan lan egiten saiatzen da, hiriaren baldintza errealetan, eta betiere antzeko interesak dituzten beste instituzio eta erakunde batzuekin lankidetzan. Ikasleek pertsonalarekin eta irakasle gonbidatuekin batera lan egiten dute laborategian, horrela institutuaren izaerarekin eta ezaugarriekin bat datorren ikerketaren ikuspegia sustatzeko. Bi urte irauten duen hezkuntza programa bat eratu da, bakarkako ikerketa tesi bat, diseinu estudioetan burututako talde-lana, eskola magistralak eta mintegiak barne hartzen dituena. Gainera, programa hitzaldi, ibilaldi, erakusketa eta lehiaketa desberdinekin osatzen da.

MANIFESTA 5 BERLAGE INSTITUTE-REKIN LANKIDETZAN

Hiri Plangintza Alternatiborako Bulegoa

Manifesta 5, Arte Garaikidearen Bienalaren programa zabalduz, Hiri Plangintza Alternatiboaren Bulegoa martxan jarriko da 2003ko urriaren 30tik aurrera, Manifesta 5en prozesua nabarmen bizkortuko duen proiektua.

Hiri Plangintza Alternatiboaren Bulegoa Rotterdam eta Donostia artean hasiko da lanean, Berlage Institute-ko graduatu ondokoei zuzendutako programaren parte gisa. Manifesta 5eko komisarioek eta Berlage Institute-ko dekanoak, Alejandro Zaera-Polok proposatutako proiektua da, alegia Manifesta 5ek hiria proiektu gisa aztertzeko tresna. Kontuan izanik Donostia egoitza pribilegiatua eta eragile katalizatzailea dela, proposamen hau hiriko arkitekturaz baliatzen da hiria lurralde gisa ulertzeko asmotan. Hori egitean, Berlage eta Manifesta 5en artean aurreikusitako lankidetzak ibilbideetako bat balitz bezala jarduten du diziplina arteko arte garaikidearen bienal baten barruan, arte garaikideak arkitekturaren eta hiri plangintzaren hizkuntza zabaldu dezakeen modua aztertzen duena, Donostiako hiriari eta inguruneari dagozkien prozesu eta eztabaida errealei buruz aritzean. Bereziki, proiektuak hiri honen eta ondokoen etorkizun desberdinen kontzeptualizazioa lortu nahi du, lurraldea itxuratzen duten faktore eta indarretatik aldendu gabe zenbait gai aztertzean, horien artean bidegurutzea, bipolaritatea, alteritatea, autonomia eta haustura.

Partehartzaileak: Manifesta 5, Arte Garaikidearen Europako Bienala, eta Berlage Institute.

Azterlana Berlage Institute-k antolatu du Manifesta 5ekin lankidetzan, eta Donostiako Udalaren, Gipuzkoako Foru Aldundiaren eta Eusko Jaurlaritzaren laguntza logistikoa du.

Hiri Plangintza Alternatiboaren Bulegoa Manifesta 5eko komisarioen programan sartzen da eta bertan nazioarteko talde batek parte hartuko du, kualifikazio-maila handiko sei arkitektok, hiri plangintzan diharduten profesionalek, paisaiaren diseinatzaileek (Berlage Institute-ko doktoretzan bigarren urtean daudenek) eta artista garaikideek osatutakoak.

Komisarioak: Massimiliano Gioni eta Marta Kuzma.

Tutoreak: Bernard Cache eta Sebastián Khourian.

Berlage Institute-ko arkitekto partehartzaileak: Veronica Arcos (Txile), Sannah Belzer (Holanda), Constanze Hirt (Alemania), Olga Skaba (Polonia), Claudia Strahl (Alemania), Monica Villate (Kolonbia).

Iraupena: Programa Berlage Institute-n (Rotterdam) 2003ko irailaren 30ean izango den inaugurazio ekitalditik eta Donostian 2003ko urriaren 30ean jendaurrean aurkezten den unetik hasita garatuko da, Manifesta 5 hasiko den eguneraino, hau da 2004ko ekainaren 11raino. Denbora horretan, arkitekto partehartzaileek ikerlanerako lau bisitaldi egingo dituzte, eta bisitaldi horietan zehar tarteka bilerak egingo dituzte artistekin lankidetzan proiektuen garapena ebaluatzeko.

Antolamendu logistikoa: Azterlana Berlage Institute-tik zuzenduko da, eta Donostian (erdi) finkoa izango den destakamendu bat egongo da. Lau landa-bidaia egingo dira Donostiara: urrian, urtarrilean, martxoan eta apirilean, baita inauguraziorako bisitaldi bat ere ekainean.

Bulegoa Artelekun ezarriko da eta oinarrizko zerbitzuak izango ditu (internet, telefonoa, faxa...).

Programa sateliteak: Manifesta 5ek egitarauarekin zerikusia duten programa akademiko bat, hitzaldiak eta ekitaldiak barne hartzeko asmoa du espazioaren arkitekturalizazioarekin lotura duten gaiak aztertzeko.